)( سير على الشعر تكفى مرة باليوم وسجل حضورك ,! )متجدد؛؛(

والله وصرتي أم ..! خابرك طفله
مرّت سنين وقالوا الحين هي أمّ

هذا الخبر يستاهل بجدّ حفله
وأول معازيمي هم الدمع والهمّ

ياغايبة من يوم رحتي بغفله
وإلين هذا اليوم وأنا عمّ ..!

رحتي مثل ريمٍ من الصيد جفله
ومب انا صيّادك اللي تولمّ

ياسارقة مفتاح قلبي وقفله
ليتك أخذتي مابقى فيه من دمّ

حتى القصيد ان شاف غيرك وقف له
يموت فأول بيت ماينطقه فمّ

دوّرت لأبيات المعاناة قفله
شفت الحزن ماينتهي دام أنا عمّ ..!