التسجيل مكتبي الرسائل الخاصة الرئيسية البحث الخروج  

   
العودة   منتديات أسرة الصريخ بمحافظة عنيزة بمنطقة القصيم بالمملكة العربية السعودية > ©؛°¨°؛©][ الترفيهيه ][©؛°¨°؛© > التسلية والفكاهة والترفيه
   

إضافة رد
   
 
أدوات الموضوع إبحث في الموضوع انواع عرض الموضوع
   
قديم 19-03-2011, 11:43 PM رقم المشاركة : 1
معلومات العضو

الصورة الرمزية احمد صالح محمد المحيميد

إحصائية العضو








المستوى: []
الحياة /

النشاط /
المؤشر %

آخر مواضيعي


احمد صالح محمد المحيميد غير متصل


افتراضي قصة أعجبتني ..

________________________________________
السلام عليكم ورحمة الله وبركـاته



قصه حصلت بإحدى مدن القصيم قديما ....

كان فيه شاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقر ذاك الزمان
المهم امه العجوز شبت عليه وقالت له ياوليدي ورى ماتعرس
وودي تزووج علشان اشوف عيالك قبل مااموت
وهو يقول بسم الله عليك عقب عمرن طوييل يوووه
المهم الححت عليه وهو وافق
وخطبتله امه هاك البنيه ( اللي كللها ملح(
الولد عقب العرس ..ماينلام استانس بحريمته وتوافق هو وياااه الحمدلله
كل يحب الثاني ويودده
لكن المشكله عاد ب( المامي) تقل تضايقت شوي من الوضع(نغرت(
>> وهذي فطره عند اغلب الحرييم الكباار خاصة مع عيالهم
>>غصبن عليها
بدت إذا جاء الولد عقب الظهر داايخ
من الشغل وده يتغدا ويناام قبل يأذن العصر.
وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللو يالله
وان كان هو ماأذن تطق وتقول قومو توللمو توضو قبل الاذاان..
ورزح هالباب ماتواطنهم بالغرفه تنهبل
والولد ماغير ( يقول إنا لله وانا اليه راجعوون ) وش جاه أمي
وتطوور الوضع بدت العجيّز
إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير تهجدهم وترجدهم بالليل وانهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل على طول...
ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله
قال ابوصالح انا اعرف علاج امّك زيين بس تطاوعن؟؟
قال الولد تكفى اللي تبي
بس فكّنا ياشيخ
قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قللي
المهم قاله الطريقه واتفقوا
يوم صار من باكر عقب العصر
جاء ابوصالح لبيت الولد وطق عليه الباب
طق طق طق
ابو فلان ابو فلان وبدا يصوّت ابوفلان
)كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس(
المهم طلع الولد قال
ياهلاااااا ابو صالح يالله حيه
ادخل اقلط تقهو
قال ابوصالح
لاوالله يا بوفلان أنا عجل بس جيت ابي منك طلب وابمشي
(طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده)
قال الولد ادخل يارجال واطلب الّي تبي
الّي تبي بس تقهو
قال ابوصالح .. الّي ابي؟؟
ماتردّن
قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيك إياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر إطلب كل شي إلاّ هذي ..
قال ابوصالح وراااه؟؟
قال الولد : الله يعظّم أجره أميمتي
تقوّمنا لصلاة العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا
والله مااأفّل به ابد الله يخلّيها لنا ان شاء الله
قال ابوصالح : والله الصّراحه أنا جااين أخطب الوالده أجل
قاال الولد لااااا ياخووي
أجل طس لاتقهوى ولاشي مع السلامه . والوالده مهيب معرسه
(كل هالكلااااام والعجيّز تسمع!! ومنهبله)
راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل سايح وطلب منّي طلب وطردته ( مابقى إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا للصلات الفجر ولا العصر
عسى مااااشر يووه؟؟
قاالت العجييز: قومو أنتم عسااكم للكسااميير خلاااص انا منب دايمتن لكم
خخخخخخخخخ
وبدت ماتطق عليهم وافتكّو
وهي على رجاء خطبه ابوصالح ههههه






القصه قصيميه بحته يعني ماراح يفهمه إلا أهله خخخخخخخخ

وهذا قاموس لغير الناطقين بالقصيميه ههههههه

شبت = ألحت ,,,,, يووووه = ماما ,,,,, حريمته = زوجته ,,,,, رانعتن الباب = طارقه الباب بعنف
توللموا = تجهزوا ,,,,,, رزح = طرق بقوووه ,,,,,,,,, اقلط = تفضل ,,,,,,,, جادعتن أذنه = تسترق السمع خخخخخخ ,,,,, ماأفلبه = لا أفرط فيها ,,,,, أنا منب دايمتن لكم = أنا لن أدوم لكم .....




أتمنى تعجبكم القصه وأبطال القصه >>>>

 

رد مع اقتباس
قديم 20-03-2011, 12:13 AM رقم المشاركة : 2
معلومات العضو

الصورة الرمزية تهآني بنت نآصر

إحصائية العضو









المستوى: []
الحياة /

النشاط /
المؤشر %

آخر مواضيعي


تهآني بنت نآصر غير متصل


افتراضي



ههههههههههههههههههههههههـ،

مآ ينفع معآهـآ إلآ كذآ
صحيح أمه بس تقهر تصرفآتهـآ

الله يكفينـآ شر الغيره ولآ يرزقنـآ بأم زوج زيهـآ


يعطيكِ العآفيـه

 

التوقيع

My flickr
http://www.flickr.com/photos/60196589@N04

http://ask.fm/to00oty

-
إن أعطآك الله المشقآت والمصآعب والمشآكل فأعلم أن الله يحبك
ويريد سمآع صوتك في الدعـآء ..


رد مع اقتباس
قديم 23-03-2011, 08:51 PM رقم المشاركة : 3
معلومات العضو

الصورة الرمزية S-H

إحصائية العضو








المستوى: []
الحياة /

النشاط /
المؤشر %

آخر مواضيعي


S-H غير متصل


افتراضي

هههههههههههههههههه

مب صاحيه ذا العجييز " بس لقى دواهــأ خخخخ


>> عوآفي أخووي !

 

التوقيع

سأڵوني أي رجڵ ٺحبين فقڵٺ:من انٺظرني ٺسعۃ أشهر واسٺقبڵني بڍموعه وفرحٺه
ورباني عڵى حسآب ڝحٺه هو آڵذي سيبقى أعظم حب بقڵبي ڵڵأبڍ أبي . .

رد مع اقتباس
قديم 23-03-2011, 08:54 PM رقم المشاركة : 4
معلومات العضو
إحصائية العضو








المستوى: []
الحياة /

النشاط /
المؤشر %

آخر مواضيعي


الدعم الفني غير متصل


افتراضي

هههههههههه رااائع استاذي

 

رد مع اقتباس
قديم 23-03-2011, 09:06 PM رقم المشاركة : 5
معلومات العضو

الصورة الرمزية سآره آلمحيميد

إحصائية العضو








المستوى: []
الحياة /

النشاط /
المؤشر %

آخر مواضيعي


سآره آلمحيميد غير متصل


افتراضي

ههههههههههههههههههههههههههههههه

تسننو صلّو صلاة الليل. قومو أوترو < مآشآءلله يالدين
زوجته ونشبت به


عوآآفي

 

التوقيع

[align=center]
.

.



العقلانيّة ليستْ عبقريّة !

إنما (دينٌ وأخلاق ) . .

فمن فَقَدَ الأخلاق فَقَدَ نصف عقله . . ومن فَقَدَ الدين فقد عقله كلّه . .![/align]

آخر تعديل سآره آلمحيميد يوم 23-03-2011 في 09:22 PM.
رد مع اقتباس
قديم 23-03-2011, 10:04 PM رقم المشاركة : 6
معلومات العضو

الصورة الرمزية لبنى بنت عبدالعزيز

إحصائية العضو








المستوى: []
الحياة /

النشاط /
المؤشر %

آخر مواضيعي


لبنى بنت عبدالعزيز غير متصل


افتراضي

هههههههههه

اشونه مب امي

 

رد مع اقتباس
قديم 01-04-2011, 06:14 PM رقم المشاركة : 7
معلومات العضو

الصورة الرمزية شذى الورد

إحصائية العضو








المستوى: []
الحياة /

النشاط /
المؤشر %

آخر مواضيعي


شذى الورد غير متصل


افتراضي

هههههههههههههههههه

والله إنه حريمةٍ فلللللللللللله وولد ذكي

الله يهديهم بعض الأمهاات به حب التملك ماتبي أحد يأخذ ولده

مشكوور أخوي أحمد ع القصة التووحفه

دمت بخير ودام عطاؤك

 

التوقيع

http://www.shy22.com/upfiles/uPr54838.swf

رد مع اقتباس
قديم 02-04-2011, 06:14 PM رقم المشاركة : 8
معلومات العضو

الصورة الرمزية لبنى بنت عبدالعزيز

إحصائية العضو








المستوى: []
الحياة /

النشاط /
المؤشر %

آخر مواضيعي


لبنى بنت عبدالعزيز غير متصل


افتراضي

هههههههههههههههه
الحين هي اللي قايلتله تزوج وبالنهايه تزن عليهم

 

التوقيع


لآشيءءَ عنديّ آفخَر به , آعظمَ من ديينّ آؤُمنَ به !
[ و آمراهَ ]
عظيمةّ قآمتُ بِ تربيتيَ !
......[ ورجلَ ]
آفَخر دآئَممآ عندمَمآ يختتمُ | آسميّ بَ , آسُممه ..

رد مع اقتباس
إضافة رد

المواضيع المتشابهه
الموضوع كاتب الموضوع المنتدى مشاركات آخر مشاركة
قصة مؤثرة أعجبتني يوسف المحيميد المواضيع العـامه 5 18-10-2011 06:44 AM
كلمات قيمة ومعبرة أعجبتني صريخه همس القلوب وعذب المعاني 1 29-03-2011 01:10 AM
زهور أعجبتني صريخه همس القلوب وعذب المعاني 0 26-03-2011 12:30 AM


   
الذين يشاهدون محتوى الموضوع الآن : 1 ( الأعضاء 0 والزوار 1)
 
   

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading...

   
   

Powered by vBulletin Version 3.8.7
Copyright ©2000 - 2024
جميع مايكتب لايعبر بالضروره عن رائي ادارة الموقع والذي تم افتتاحه في 1 - 4 - 1432 بل تمثل وجهة نظر كاتبها