صـــوت جــمـهـــور الـشـّمـس

السلام عليكم..
أخبار الامة النصراوية
هذا الموضوع قرأته في موقع العالمي نت للكاتب ( طموحي نصر )
موضوع مميز جداً احببت ان انقله لكم مع حفظ حقوق الكاتب بالاشارة اليه ..
اليكم الموضوع.. بالكامل من دون تحريف..

بسم الله الرحمن الرحيم
السلام عليكم ورحمة الله وبركاته اما بعد :
اسعد الله اوقاتكم بالخير والمسرات وكل عام وانتم بخير وسعاده ونصر .
مواضيع ترفع ضغطي !! وما ادري هي ترفع ضغطكم بعد او انا الوحيد !!
الموضوع الاول :
* بعد كل مباراة للنصر نشوف 100 موضوع يناقش نقاط فنية وتحليلية وتغييرات والخ !! كل عضو عنده فكره ينزلها في موضوع لحاله !! ليه مانفتح موضوع واحد ونتناقش فيه وكل واحد يقول اللي في خاطره واللي يشوفه افضل او يمدح النجوم النصراويين على ماقدموه واكثر شي اعجبه في المباراة ونجم المباراة والخ من الامور المتعلقة بالمباراة !! لانه حرام تفتح موضوع قوي جدا في محتواه وينزل الى الصفحة الثالثة في ظرف دقايق بس !! واكثر الاعضاء مستحيل يردون على كل المواضيع الفنية !! فياليت نشوف موضوع واحد متعوب عليه ويتم فيه النقاش المفتوح عن المباراة وكل عضو يحط رايه بكل صراحة .
الموضوع الثاني :
* قبل مباريات النصر خاصة في الرياض نشوف اعضاء منزلين مواضيع فيها تحطيم وتهجم على جماهير الرياض ووصفهم باوصاف لاتليق بهم وتجزئة جماهير النصر الى جماهير مناطق وهذا ليس في صالح النصر ولاصالح جماهير النصر !! عندما تحضر جماهير النصر لاي مباراة يقول الناس جمهور النصر ولايقولون جمهور الرياض او جمهور الشرقية او جمهور القصيم او جمهور الغربية !! ياليت نبتعد عن المقارنات بين الجماهير والحضور ونحاول نشجع كل شخص يبي يحضر ويخدم ناديه في مدرج الشمس !! وطبعا من ضمن اهم اسباب كتابة مثل هذه المواضيع دعاية للعضو نفسه لانه يبي يحضر المباراة مثلا من الشرقية او القصيم ويحاول ابراز دوره الكبير وانه وفي وحضر من اجل النصر من ابعد المسافات والخ !! ما ابي اتكلم كثير في الموضوع هذا بالتحديد لانه شائك وراح يزعل ناس كثير .
الموضوع الثالث :
* المقارنات بين اللاعبين النصراويين !! مثلا يلعب اليوم زنجا بسعد الحارثي هجوم واذا ماسجل في المباراة يطالب الجمهور بالسهلاوي والعكس صحيح !! نتمنى الوقوف على مسافة واحدة من جميع نجوم العالمي وكلهم فيهم الخير والبركه ومستحيل يكون اللاعب على مستوى واحد طوال الموسم !! ياليت نبتعد عن تحطيم اللاعبين والمقارنة بينهم لانها تسبب حزازيات وكراهية بين اللاعبين وايضا بين جماهير اللاعبين !!
الموضوع الرابع :
* تحطيم اللاعبين والمواضيع الاستفزازيه بعد كل مباراة نبحث ونتصيدعن اسوأ لاعب في المباراة ونقوم نشرشحه ونحطم فيه ونضغط عليه !! بدلا من تشجيعه وتجهيزه للمباراة القادمة نقوم بتحطيمه والضغط عليه !! طبعا لست ضد النقد ولكن ابتعدوا عن التجريح والضغط !! وانا اعرف امثلة وانتم تعرفونها مثلا لو كان سعد الحارثي منخفض مستواه ماراح يواجه نفس النقد اللي سيتعرض له الخيبري او محمد عيد او سعود حمود لان هؤلاء اللاعبين لاتوجد لديهم جماهيريه تدافع عنهم او ترفع من معنوياتهم !!
في الختام تقبلوا كل التقدير والاحترام ,,,,,,,,,,,

الموضوع الأصلي: صـــوت جــمـهـــور الـشـّمـس || المحرر: عبدالسلام الصريخ || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات