منتديات أسرة الصريخ بمحافظة عنيزة بمنطقة القصيم بالمملكة العربية السعودية - عرض مشاركة واحدة

01-05-2011, 08:36 PM

السلام عليكم ورحمة الله وبركاته

يقولون غزا محسن الفرم ومن معه من ربعه على عربان متفرقه من شمر وهو ياخذهم
ويقفي بحلالهم يقولون يوم جاء من باكر ياهذا المرسول يوم لفى على محسن
قال محسن وش عندك قال المرسول انا ارسلن ضاري بن طواله ويوصي لك يقول "لاتاسم" الابل
شمر يبونه>>>>وهذي معناته تحدي لمحسن

المهم جاء عقبه بفتره ونوى محسن المغزى قالوا ربعه من تبي قال محسن ابي شمر
عندهم هالوضح اللي تقل ضباء
قال واحدن من ربعه ياخو حسناء نزلوا ورانا عرب والظاهر انهم من شمر
ويغزون عليهم ويوم وصلو الحلال ياهذولاك الفرسان يوم طلعوا عليهم
وتصير عركه دون الحلال وينكسر محسن الفرم وحرب
ويرجعون لبيوتهم يوم فطنوا يمار الفريس لحقوهم وتصير عركة ثانيه عند بيوت حرب
يامار مع فرسان شمر واحدن متلطم وراكب على فرسٍ سوداء
وهو يرثع بفريس حرب
وهي تصيح اكا المره من حريم حرب طول حسه "عليكم براعي السوداء "
وهو ينتخي محسن الفرم وانا شريدة الفرسان اخو حسناء ( و ذلك لأن أخوته سبعة قتلوا على ظهور الخيل و بقي هو شريدتهم فقط ) وهو ينطح الفارس
يامار هذا ضاري قال محسن انت ضاري قال ضاري وصلت على خير
ويصير بينهم اكا الطراد وهو يجدعه ضاري
قال ضاري :"مانت للموت يافريمان">>> و والله أني أبي بس منخاتك ما تنقطع مع الناس ( أي شريدة الفرسان و أنا أخو حسنا )
وهذي من شيمة العرب يوم الطيّب يشح على الطيّب بالموت وهي مشابهه لفعلة عدوان بن طواله بعقاب العواجي يوم جدعه شح عليه بالموت

وللمعلوميه "راعي السوداء " هي من القاب ضاري و ينتخي بها كثيراً و هي فرسه .
و قد قال :

ماني خويٍ للردي ....... ما دام بالسوداء جهد

و قد حكى هذه القصة الشيخ / محسن الفرم . في مجلس الملك عبدالعزيز . طيّب الله ثراه .

الله يرحم محسن الفرم وضاري بن طواله سطروا من الامجاد ماتفخر به قبيلتيهما

============

منقووووووووووووووول

الموضوع الأصلي: ضاري بن طواله ومحسن الفرم .. || المحرر: احمد صالح محمد المحيميد || المصدر: منتديات أسرة الصريخ

www.alsuraikh.com

كلمات البحث

العاب ، برامج ، سيارات ، هاكات ، استايلات