الموضوع: ســــــــألت النفــــــــــس
عرض مشاركة واحدة
قديم 03-06-2011, 05:13 PM رقم المشاركة : 1
معلومات العضو

الصورة الرمزية ابوناصرالصريخ

افتراضي ســــــــألت النفــــــــــس
ســــألت النفـــــس
سألت النفس ليه الناس ذا حاسد وذا محســـود
ووهاب المـلا واحد وعدله سابــــــق احسـانه
قسم بالعدل بين الخلق لاضاهد ولا مضهــــود
وتفضيل الورى بالرزق من حقـــه وذا شــانه
بسط كفه لبعض الناس واغناهم عظيـــم الجـود
وناس حالهـــم مســتور في ضَــفّه وســلطـانه
مريح البال من يقنع بحظــــه لوه كســرة عــود
غنــــي النفــس ماهمـه ثرا غيره وحــرمــانه
يعيش براحة الإيمان راضي والرضى محمــود
قريـــر العيــن ما يغبــط ولا كســرى بإيـوانه
إلى ضاقت رفــع طرفــه وكفـه للـسمــا ممـدود
ولا يجــــزع من اقـداره وحكــم الله وميــزانه
ترى بعض العوز رحمه على العابد من المعبود
ومن يدري لعــل القـل يحجب عنــــه نيــرانه
وترى بعض الثرا شَــرٍعلى الغافــل ولابه فــود
ولا يضمن ثري الحــال عفو الله ورضـــوانه
وترى طبع الحسد والظلم من طبع القلوب السود
واهلها عن سبيل الخير مصــروفه وعميــانه
جميع اعضاك يا ابن آدم وكلماتك عليك شهـود
وكل خطاك يحسبها عليـــم الســـر سبحـــانه
تذكر قــول من ذكــره وقرآنه يهــد الــطــــود
الا يا ويل من غَرّه هوى نفســـه وشيطــــانه
كبير الحظ من حافظ على نفسه من المنقــود
وعن جملة جميع الناس كف يديه ولســـــانه

( خالد بن سعود الكبير )



كلمات البحث

العاب ، برامج ، سيارات ، هاكات ، استايلات

 

التوقيع

رد مع اقتباس