منتديات أسرة الصريخ بمحافظة عنيزة بمنطقة القصيم بالمملكة العربية السعودية - عرض مشاركة واحدة

17-04-2011, 04:00 AM

اتعلم مامعنى الحنين!!

هو ليس الشوق..

لايمكن أن يصل له..

إنما هو مؤلم بشدة..

يجعلك ترضخ له رغما عن أنف قوانينك.. ومبادئك..

احساس يأخذك إلى الأحلام ..الخيال..

تتلهف إلى إطفاء براكين ثائرة.. ملتهبة..لاتعرف للنوم والخمول طعما..

هي أمواج بحر هائجة..تتخبط في كل مكان..لاتعرف للاستقرار طريقا..

......هل عرفت معنى الحنين......

>> حنيني لصديقي, النقيب ( الأسد بن ابراهيم بن بطحان الودعاني الدوسري ) __ رحمه الله واسكنه فسيح جناته وصبرني على فراقه ......

لاعـاد علـمٍ جـاء بليلـه شّقيـه
علمٍ يكدر صافـي البـال طاريـه

في تالي وقت الليـل دقـوا عليّـه
قالوا تعال وقلت وش صار وش فيه

قالوا لي حادث.. والحـوادث بلّيـه
على طريق (السليل ) بانت مواريه

(الأسد) به ضربـه بصـدره قوّيـه
شف موتر الإسعاف تـوه موديـه

جيت الطبيب وقلت عجـل علّيـه
الرجـل قدامـك ورى ماتداويـه

قال استعـن بالله أنـا وش بيّديـه
اطلب من الشافي بفضلـه يشافيـه

قلـت الرجـا بالله رب البـرّيـه
ماخّيب الله ظـن مخلـوق يرجيـه

لكن عـن المكتـوب مابـه نحّيـه
امرٍ مقـدر كـل مخلـوق ماشيـه

في يومه الموعـود جتـه المنّيـه
في ساعةٍ فيهـا الوعدعنـد واليـه

يالله ياللـي تعلـم بـكـل نـيـه
أدعيك مـن كامـل ذنوبـه تنقّيـه

وادعيـك تغفـر سيتـه والخطّيّـه
ياواحٍـد كـل المخاليـق تدعـيـه

وادعيـك يالله تجمعـه مـع نبيّـه
في جنة الفردوس وايضـا غواليـه

مرحـوم يـاراع الوفـا والحمّيـه
اللي بفعل الطيـب محـدٍ يجاريـه

ماجـات منـه الناقصـه والرديّـه
كلٍ بذكر الخيـر بالخيـر يطريـه

والختم صلوا كل صبـح وعشّيـه
علـى نبـيٍ واضحـاتٍ مماشيـه