أهداء لآبن العم صالح ابراهيم الصريخ ( ابوأسامه )
تلك المحاوله / أهداء لآبن العم ( ابواسامه ) صالح بن براهيم الصريخ
سَلام مني للذي يَرفع الراس
ذكره ينومس والمجالس مرابيه
سلام يامن للعَلا مد بإحساس
يصعد ولا ينزل وهذي حراويه
سلام للي سيرته كنه ألماس
من صغر سنه ثابتٍ في خطاويه
سلام حتى حل من علية الناس
اسمه يغرد فوق حنا نباريه
سلام واضحى دوم للعز نبراس
نال المراتب والمناصب تناديه
سلام والخدمه قضاها ولا داس
عظم الآمانه بالآمانه مساعيه
سلام منهو للكرم صار مقياس
أصل الكرم والضيف يلقى معانيه
سلام ياعز الجماعه ومتراس
متراسه الراسي الى حل حاديه
سلام ولد العم والعم هو راس
وقتً مضى لليوم تذْكر حكاويه
سلام ياما خفف الضيم والباس
من غيره ابراهيم يَسعد مناديه
سلام وال صريخ ثبّت لها ساس
ترقى سنود وعز هذي أمانيه
سلام وادعي ربنا دوم نسناس
من جنة الفردوس قبره يساويه
سلام ياصالح وانا اقول ينحاس
طرشٍ بَلا راعي يضيّع مفَاليه
المواضيع المتشابهه:
| التوقيع |
 |
آخر تعديل ابوسلطان يوم 07-11-2023 في 08:48 PM.
|