قصيدة :ودنا بالطيب،ومجارات ابن جعيثن
 

قصيدة الشاعر :سعد بن جدلان ، ودنا بالطيب بس الدهر جحاد طيب
ومجارات الشاعر: راشد بن جعيثن لها،كان عينك ناظرت في عجب وقت عجيب

ودنــا بالطيب بـس الدهــر جحــاد طيب...كل ما تخلص مع النـاس كنك تغشها
يدك لامدت وفــاء لاتحــرى وش تجيب...كان جاتك سالمـه حــب يدك وخشها
كل ماشـبيـت نـار المــحبـه مــع حــبيب...قـام يسحـل في مشـاهيبهــا ويـرشها
وكل ما واجهت لك فالزمن وجه غريب...مثــل ما قـال المثل دام تمشي مشها
وذمــةٍ ماهـيب تنـدار للـحق المــــصيب...جعل قشاش الحطب لاسرح يقتشها

مجارات الشاعر : راشد بن جعيثن لهـــا

كان عينك ناظرت في عجب وقت عجيب...اســرق ايتــام العـــرب مرتـيـن وعشها
قالــوا اللــي جربوا كــل طيــر لـــه لعيب...قبــل صــيـدك للـحبـاري تعــــل ونشها
وكــان كفـك سـالمـه لاتعـرضهـا الطبيب...خــوذ كلمــة عـن ثمـان بـــلاش وطشها
الرعايا بالهــوى مــن بعيــد ومـن قريب...عن مراعي خاطرك خذ عصاك وهشها

ولكــــــــم تحيــــــــــاتي

مشكور ابوناصر روعه صح السان قايلها وناقلها لاهنت

والله انك صادق ابوناصر على هالقصيد الزمن ذا عجيب !!