|
- كمٍ ترٍج'ـَيتكُ . . }- وح'ـَآوٍلتٍ وٍ " طلبَـَـتكٍ " وٍقلتٌ تكفىٌ : [ لآإ تع'ـَوٍدنيّ ع'ـَليَـَكُ ] [ لآإ تع'ـَوٍدنيّ ع'ـَليَـَكُ ] [ لآإ تع'ـَوٍدنيّ ع'ـَليَـَكُ ] شُ'ـَوٍفنيّ هلح'ـَـَينُ . . }- ذنبيّ فيُ رٍقبتَـَـَـكُ !! كلٍ شيٌ ’’ فينيُ ‘‘ صآرٍ : *~ يموٍوٍوٍتُ فيَـَـَـَـَـكُ . . ! http://www.shababonaizah.com/images/smilies/throb.gif |
والله وصرتي أم ..! خابرك طفله مرّت سنين وقالوا الحين هي أمّ هذا الخبر يستاهل بجدّ حفله وأول معازيمي هم الدمع والهمّ ياغايبة من يوم رحتي بغفله وإلين هذا اليوم وأنا عمّ ..! رحتي مثل ريمٍ من الصيد جفله ومب انا صيّادك اللي تولمّ ياسارقة مفتاح قلبي وقفله ليتك أخذتي مابقى فيه من دمّ حتى القصيد ان شاف غيرك وقف له يموت فأول بيت ماينطقه فمّ دوّرت لأبيات المعاناة قفله شفت الحزن ماينتهي دام أنا عمّ ..! |
بعدهـ.. تراها تهون كـل المخاسيـر
يعني وش اكبر من خسارة كيانـي؟! ْ~ لو قلـت مآل لبعـدهـ الـيـوم ...تأثـيـر تفضحني عيوني.. ويكـذب لسانـي ْ~ لكن تركت له هالقصيدهـ علـى خيـر يمكـن يحـس بضيقتـي .. لاقرانـي ْ~ |
بعد مآ ضيّعتنيْ رآجع تدوّرني ..؟
كثّر آلله خير أياميْ , و خيرك.. ! تبيْ تعرف متى قلبي يعوّرني..؟ لآ بكيتك على صدر آدميْ غيرك..! |
ليتني يا صاحبـي طفـلٍ صغيـر كل ما ضاقت به الدنيـا .. بكـى ما تطوله شرهـة ٍ تاطـا الكبيـر ولا يهمّه لو حكى به مـن حكـى الصغير إذا إشتكى .. يبغى اليسير والكبيـر الله يعينـك إن إشتكـى |
اقصد الفي اكس ار ماغيره بديل لعنبو من صممه لين اكتمل امدحه وان مامدحت اخر موديل ويش ابمدح موترن غيره أجل وارد اليابان ماجاله مثيل اقطفن بالسوق مامثله نزل ابيضن لونه مثل زبدة صميل ورث من خشمه مثل خشم الفحل لو ميزيك منه نظرة السيف الصقيل لمع برقن في خيالن منه همل والعلامة لاسرى مثناك ليل في جبينه كنها كوكب زحل والاشارة لونها جمرن قليل يتلالى مثل مردوج النحل ولخطوط بشاشته صفة فصيل تزهل ارقامه مثل ورد النفل والازره داخل القشل الجميل دايريه حجمها كبر الهلل ويتهزع مثل نقاط الجديل غنوته مثناة خطن لاانسحل ويتنهض رفرفه فقاع ويل وان بغيته يعتلي راس الجبل كن تشيله عن عزاز الارض شيل وفيه من قدام دفرنس الدبل اسودن كنه حصاة من حديل للنفود مصممينه والوحل ماورد مثله مواتر مستحيل ان رضى راعي السفاري وان زعل هرجي وبانصافها في الراس خيل من خويه جيب ماجاه الزمل افترق عبداللطيف لها الوكيل وعامل اليابان وانصح بالعمل فوق لامشى للغدرى دليل ويتحمل للشقى مثل الجمل في لزومي عن طريقه مايميل ولانخيته ماتمشى بالمهل حوله مع حافة الضلع المهيل لين عنه طويق قدامه انعزل ماسمح له ياعسى جاله يسيل لو سمح له قد سواقه وصل ولاتسوّى - برّ - برّاتن يعيل ولاتعدى من وراء شقراء انعدل ثم تنهض مابقى لو كان ميل داخل الطبلون او خط النحل وشد حيله مابقى فالحال حيل لين ضاق الكون جا كبر الدحل والهوى من رفرفه جاله شخيل راسي ومرسيه عرض العجل المراكز ماتعرض له سبيل خابرينه عن هدفهم مستقل ثم تنصى للأصيل ابن الاصيل لا وصلته فأسفطه قدم ومحل تاجد اللي داخل المجلس ثقيل ولاتكلم ماتلفظ بالزلل الكرم تلقى اوله بر(ن) وعيل والسوالف والحجاج المسفهل والشبب ومعزبك ذباح حيل تفعله يمناه لاجاها الشلل قل (لابونا) كساب الجميل وش رايك ندرج اسمك بالسجل ظنو الشعار وظريب الحبيل في حد البر سهم رجالن يحل واستلم ماقيل واجلي بالحصيل راكبه باليومين مايجيه الملل للشاعر مرير الحبيل [MEDIA]http://www.youtube.com/watch?v=g61H5-vcY_Y&feature=related[/MEDIA] |
الشاعر محمد القثامي شمس الحقيقه لو تِغَيّبْ ماتِغيب ايشوفها مبصر وذو عقلٍ لبيب وانا على المنبر ولو ماني خطيب من فضل ربي أملك اسلوب الدعاة ،،،،، ابدا بذكر الله لامنّي بديت واقول للقاري ليا منّك قريت دقّق معي فيما كتبته بيت بيت وارقا معي روس الجبال النايفات ،،،،، حنّا بخير وننعم بعيشٍ رغيد في ظل ابو متعب عسى عمره مديد اللي عن دروب الشريعه مايحيد ولْه الوفا بصدورنا حتى الممات ،،،،،، من بعدها ياسامعٍ صوتي تعال هل الهلال وهل من بعده هلال واللي حصل مافيه شك ولاجدال واقع وشافته العيون المبصرات ،،،،، قابلتلي واحد واحسبنّه فتاه لكنّها ماتلبس حجاب و عباه قلت استري عمرك عسى مالك غناه وقام يتبسّم والعيون مسلهمات ،،،،، قال انت يارجال ماعندك بَدي عايش على الماضي وليلك سرمدي والا انا للموضه اسعى بجهدي ماعيش مثلك فالليال الماضيات ،،،،، قلت انت جرمك فالبلد جرمٍ كبير اتْقلّد النسوان في لبس الحرير واللي تشبّه بالنسا وضْعه خطير ملعون عند اهل الاحاديث الثقات ،،،،، واقفى يسار ورِحْت في دربي يمين والقلب من ماشافته عيني حزين ياحيْف هذا من شباب المسلمين اللي عليهم عاقدين الامنيات ،،،،، من بعدها قابلت في هيئة رجل ابنيّةٍ تمشي بلا خوف ووجل مايكتسيها لاحياء ولا خجل قلت العفو يابنت من اي البنات ،،،،، قالت انا بويه وقلت الله يعين البويجي غايب وقالت يافطين ماني دهانٍ في يدين الداهنين انا من اللي فالزمن مسترجلات ،،،،، عفنا الحيا ولباس جدتنا فتون ونفز مع صوت المزامر واللحون ولاعندنا رحمه ولاقلبٍ حنون واسأل عن البويات وسط الجامعات ،،،،، إذا هجمنا جات هجمتنا سوى واذا جرحنا جرحنا ماله دوى واللي تعارضنا تبا تاكل هوى يعني على قول العرب مستقويات ،،،،، قلت الله من اشكالك يجير العباد هذا فسادٍ مايشابه له فساد حوّلْتن الرجّال من فوق الشداد وسقْتِن جملكن فالدروب المظلمات ،،،،، انتي وراعية التبرج والسفور تتبعكم اللعنه الى يوم النشور هذا كلام الحق تكتبه السطور ماهو كلام اهل القلوب الغافلات ،،،،، اللي تزيّن لك طريق الانحلال وتْحدّك لدرب الغوايه والضلال وتْحاول تْجرّدك من زيْن الخصال ولايتبع الغاوين غير الغاويات ،،،،، ويامجتمعنا وش نقول ووش نعيد واللي حصل فالوقت ماهو بالجديد وان كان مانَضْرب بقبْضه من حديد على رووس الشر روّحنا شتات ،،،،، حنا بوقتٍ كل يوم وله خبر فيه الحوادث والكوارث والعبر ومن لاعْتبر منها وكَسْره مانجبر هبّت على راسه هبوب الذاريات ،،،،، قامت على الحكام ثورات الشعوب والنار شبت فالشمال وفالجنوب واهل الفتن شيطانهم عيّا يتوب يسرج لهم خيله على كل الجهات ،،،،، كم نايحه ناحت وخافقها جريح وامٍّ على فقد الولد قامت تصيح وعودٍ على معكازه يقوم ويطيح مفجوع قلبه من دويّ الطائرات ،،،،، وكم جايعٍ فالوقت ماذاق الطعام يمسي ويصبح هيكلله جلد وعظام ومع الفقر ماهوبعايش في سلام إيوّن وجْفون المحاجر باكيات ،،،،، هذا بعض ماشفت والعالم تشوف والحق شمسه مايغَيّبها الكسوف والعرف يبقى بين عارف ومعروف ولافيه مثل الباقيات الصالحات ،،،،، وياسامعين الصوت لله اذْعِنو ا وبْنصْر من ينْصر عباده ايْقنوا وعلى الدّعاء اللي بَقوله امّنوا دعوى القلوب المومنات الخاشعات ،،،،، يالله يارب الخلايق اجمعين ياناصر الاسلام في بدر وحنين ويامطعم الجايع وامان الخايفين ويامن تسبح لك جميع الكائنات ،،،،، ياسامع الاصوات فالليل البهيم يامحيي الاموات والعظم الرميم يافارج الشدات والكرب العظيم يامَنْ لك جْباه الخلايق ساجدات ،،،،، يارب تحفطنا وتحفط دارنا وعلى رضاك تمد في اعمارنا وتغفر لنا زلاتنا واوزارنا وتصْلح لنا الابناء شُبّان وبنات ،،،،، ويامن بسطت الأرض واجْريْت البحار وجعلت للأقمار أفلاك ومسار احقن دماء المسلمين بكل دار واستر على اعراض النساء المسلمات ،،،،، واقْصم ظهر من جار فالارض وبغى واسْرف على اهل الدين وبْحكمه طغى وانصر هل الاسلام في كل الوغى وارحم شهيدٍ من هل الاسلام مات ،،،،، واحفظ شباب المسلمين من الضياع واطْعِم من امْسَوا واصْبَحوا منهم جياع متفرّشين الأرض في كل البقاع مايملكون بهالزمن حتّى الفتات ،،،،، هذا دعانا والأمر منك واليك ياواحدفرد صمد مالك شريك نسألك يارب العباد ونرتجيك بِقْلوب مِنْكسره والْسن داعيات ،،،،، |
| الساعة الآن 05:05 PM. |
Powered by vBulletin Version 3.8.7
Copyright ©2000 - 2024
جميع مايكتب لايعبر بالضروره عن رائي ادارة الموقع والذي تم افتتاحه في 11- 4 - 1432هجريه بل تمثل وجهة نظر كاتبها