منتديات أسرة الصريخ بمحافظة عنيزة بمنطقة القصيم بالمملكة العربية السعودية - عـــــن اللي صفــــــح نصفـــــــح ولــــــــو كان هـــوغالـــــي

السلام عليكم ورحمة الله وبركاته

السادة والسيدات من أسرة أحبابنا أبناء العم المحيميد والصريخ......المحترمين

هذه قصيدة قرأتها في أحد المنتديات وأعجبتني فيها من الحكمة والنصيحة وعزة

النفس ما يدعو للفخر أرجو أن تنال إعجابكم وأن تستمتعو بما جاء فيها من جزل

الكلام المعبر والمفيد .

عن اللي صفح نصفح ولو كان هو غالي...والإقبال يبشر صاحبه بالنبا الغالي
على مــاضي بالــوقت الأول ومــا بقـــا...فلا خير باللي مـــاله أول ولا تالي
وأنا في سنين مـــا بقى إلا رسومــــهـــا...فـريـد وحيد وكن مـا قيل يبري لي
إذا شـفت جـفـوى من رفـيق لقـــيــــتني...صبور على فرقاه في كل الاحوالي
ولا أبين أســراره وعــــاره يعــــورني...أخـليه في فاله وأنا أروح في فــالي
ولانيب حــــبــــــاب لمن لا يحــــــبني...تصـير المودة فيه بلـوى وغربــالي
كــمــا تاعب يتعـب على غـيــر فـايده...مثل ما سبق حـفار جحر وهو خالي
ولا أبيـن أســراري لـمـن لا يســرني...ولو شلت حمل باهض صبري اشوالي
تورّيك نفســك بالمـجــالس وبالرخــا...كمـا لمعة القصـدير في طـافح اللالي
فــإلى هــقــــيت إنك تروده وترتوي...فــلا تاجــد إلا حنظلـيـل بالأشـكــالي
ولانيب أجازي راعي الطيب بالردى...وانا خابرٍما ادركت يذكر من أفعالي
أجـازيه بالحسنى عن الطيب بالنـقــا...واشيّع ثنا مجـده على روس الأقذالي
ولو حـسنّي تالي زمــاني وضــامني...مقــادم كــرامـاته تكفي عن التــــالي
ولا اطلب ثنا المعروف من غيرصاحبه...أقـيـسـه بعـقـلي واسـتدله بالأمـثـالي
فلولا الدلايل ما اهتدى ساير الدجى...ولولا المعرفة ما ادرك الجود رجالي
ولا مهدي شوري لمن لا استشارني...وهو مثل صوت القايله بالخلا الخالي
ولا نيب هراج على غير مســتـمـع...تجي رمية العرضة لها فعـل وامثالي
ولا ناصح من لايمـيّز نصـيــحــتي...يصـيرالدوا مجـهول والجـرح قتــالي
ولا خير بالدنيا إلى صار ما بهــــا...رفيق يميل مع الدهـر حيث مـــامـالي
ترى عاذل المشتاق عن راس مقصده...مثل من يرد السيل يرجع إلى العالي
ولانيب جــزاع إلى شــفت كــربه...فـــلا كــربة إلا بين فـــارج وحــلالي
واصـافح إلى شفت الجفا من رفاقتي...وأدوربـدلهم لي رفـــاقــة ومـنـزالي
الابعـاد عن دار المـذله مــــــعــــزه...ولو من ورا تونس مقرّي هواشوالي
ولانيب صـدّاد بوجـــهي عـن الـذي...يـدور لمرضـاتي ولا نيب مـــــلالي
ولو بـت أنا وياه في غــبـة البـــحر...على لوح سـاج شاله الموج من عالي
أراغـم على لامــاه وارفى لـزلتـــه...ولا أطـيع به واشي ولا شـور عـذالي
ولا نيب أدوّر عثرته عقب عشرته...أرى حقــه الوافي بعـقـلي ومـكـيــالي
ومن لاادرك الجودا على وقت شبته...أظنه لهــا في تالي العمر مــا نالي
هذا صــدر والفعـل بالقـول مقـتـرن...والأيـام أثاريـها جـديـدات واسمالي
أقوله وانا عيني من الهم والعــــيـــا...تهل العباير في دجى الليل همــالي
هــذا وصلوا مــا زهـا زاهي الـكلا...على سيد الكونين والصحب والآلي
الشاعر/ سليمان بن شريم

ولكــــــــــم تحيــــــــــاتي