منتديات أسرة الصريخ بمحافظة عنيزة بمنطقة القصيم بالمملكة العربية السعودية - عـزي لحالـك يـا عزيـز وانـا ابوك::كـان الزمـان الـلـي وطـانـي تـوطـاك

السلام عليكم ورحمة الله وبركاته

اليوم حبيت اشارككم بقصيدة قويه للشاعر سليمان الشريم وهي القصيدة التي يوصي بها ابنه وينصحه بها لكي نستفيد منها وناخذ الحكم والنصائح التي فيهااترككم مع القصيدة

يـا مـن لعيـنٍ فـي محاجيرهـا شـوك::والقلـب بـه عـن لـذة الـنـوم تـكـاك
لا دك فـي قلبـي مــن الـهـم داكوك::جـاوبـت طـربـان الحمـايـم والاديــاك
عـزي لحالـك يـا عزيـز وانـا ابوك::كـان الزمـان الـلـي وطـانـي تـوطـاك
امشـي وكنـي يـا عزيـز بتابوك::فـي حبـس جـبـارٍ تـحـت حـكـم الاتــراك
عـلـى عشـيـرٍ دونــه الـبـاب مصكـوك::مـا غـيـر امــره واتـعـداه مـنــاك
بــابٍ وراه حــروس مــا هــو بمفكوك::ومـبـرزٍ دونــه مكـايـن وشـبــاك
وبقيـت انـا فـي حضـرة الوقـت مملوك::دولـة زمـانٍ بيـن جــاك وتـعـداك
افهـم وصاتـي ياعزيـز وانــا بـوك::دامـك صغـيـر وغـايـة العـلـم يـقـراك
تـراه مـا ينفعـك خالـك ولا خـوك::لا صـار مــا تقـضـي لـزومـك بيمـنـاك
وربعك الى بان الخلل فيـك عافوك::اقـرب قريـبٍ لـك مـن النـاس يشنـاك
ان كثر مالك صدقـوا لـك وطاعـوك ::وان قـل مـا بيديـك شانـت سجايـاك
لو تطلب الما عندهم كان مـا اسقوك::ابعـد مـزارك عـن وطنهـم ومربـاك
ان جـاد حظـك صدقـوا لـك وزاروك::وان بـار كـلٍ مـا يبـي غيـر فـرقـاك
والى اعترض لك من صروف النيا صوك::كـلٍ تبـرا منـك مـا هـو بويـاك
وهراجـة المجـلـس الــى جـيـت وروك::مـنـازل تـطـرب نظـيـرك بدنـيـاك
والـى قضـوا منـك اللـوازم وخلوك::تفرقـوا وانـت احتمـل كــل مــا جــاك
كنـك سـراج البيـت للنـور شبوك::والـى قضـى الـوارد حـدا الربـع طفـاك
والا كمـا ليمونـة الحمـض مصوك::والـى قضـى منـه الطعـم فرغـوا لـذاك
واللي يجي من رفقتـه ريـب وشكوك::احـذر عنـه ليـاك تصـدق بمسـراك
والى جفـوك اهـل الوطـن واستخفوك::قلّـع غريسـك منـه واهـدم ركايـاك
تراك لو تنجع على الرجل صعلوك::احسـن مـن اللـي تلتجـي لـه وياطـاك
عطهـم وضيايفهـم الـى منهـم جو::وغـلّـق ضمـيـرك لا تعـلـم بقصـيـاك
وخدمتـك شيـخٍ كنـك العبـد مملوك::يامـرك فيمـا يشتـهـي وانــت ينـهـاك
اعـرف تـراك مبرقـعٍ منـه مشبوك::حـدّرك فـي حبـل المهالـك ولا ارقـاك
واصحا لخلان الرخا لو تغالوك::اعرف ترى اطيبهم الـى احتجـت يجفـاك
كنك خوي مقيط دهـووك واغووك::وحقـك عطـاك رشـاك واقفـى وخـلاك
واحذر عن العيلـه تـرى الحـق مدروك::مثـل العمـل يـدرك مـا منـه فكـاك
وان كان عدوانـك علـى الضيـق حدوك::اخصـم طلابتهـم بعجفـاك وقـداك
وان كانهـم لمشـرّف الحـق ماشوك::ناظـر مطالـيـع الـفـرج قـبـل مـبـداك
وان طوعوا شيطان الانفس وهانوك::فاصبر على البلوى ودفنت رزايـاك
زرهـم تـراك الـى توانـيـت زاروك::امــا بـديـت بصـاحـب الـسـو يـبـداك
مادامهم ماطاوعوا لك وعرفوك::اضرب علـى الكايـد الـى عمسـت اريـاك
لـو هذبـوك مـن المصايـب وضـدوك::مـا يذبحـونـك قـبـل تـدنـي منـايـاك
واحلم عن الجاهل ترى الحلم مبروك::وقم للضعيف اللي من الضيم ينخاك
وادمح خطا جيران بيتك الى اوذوك::ترى القصير وحرمـة الجـار بحمـاك
عطهـم رواتـب حقهـم لـو تناسوك::فـي كـل مــا يصـلـح لديـنـك ودنـيـاك
وقم للضيوف الى عنـوا لـك وضافوك::اغلـى كرامتهـم حجاجـك وبشـراك
واعرف ترى ما لك من الضيف مشروك::لولاه يطلب حاجته فيـك ماجـاك
وقـم للرجـال ان ريعـوا لـك وحبوك::واحشـم خويـك واكرمـه عنـد ملفـاك
والـى اعتبـرت بسيـرة النـاس كفوك::مـا كثـر مـن شــي تعبـتـه وعـنـاك
ولا تبـات بهـم دنـيـاك مضنـوك::مـا طــاب لــك مــادام لــك وافتـهـم ذاك
لو يطلبون اخفايك الناس ما اخفوك::والرجل مثـل النجـم فـي كـل الافـلاك
وصـلاة ربـي عـد الاوراق والشوك::مـا نـاض بــراق ومــا هــل سـفـاك
عـلـى الــذي مــا فـيـه ريــب ولا شكوك::محـمـد مــادك بالـقـلـب دكـــاك