هذي عنيزه لبسها دايم جديد
 

هذي عنيزه لبسها دايم جديد
باللي مضى من عمرها واقبالها
هذي عنيزه والزمن صعبٍ يبيد
تاريخها وايضا جميل افعالها
هذي عنيزه ساسها ساسٍ عتيد
بالدين والحكمه تسود رجالها
هذي عنيزه بالحلا كلن يشيد
الضيف لامن جاه واقفى عادها
هذي عنيزه بالرجال اللي تعيد
امجاد ماضيها تنير اشبالها
هذي عنيزه سعدنا معها سعيد
من هو سكن فيها يقبّل جالها
هذي عنيزه واسمها اسمٍ عنيد
لمن حضر وسط المنابر شالها
هذي عنيزه نجمها نجمٍ بعيد
على العدو يدفن قبل مدخالها
هذي عنيزه حبنا حبٍ اكيد
من قبلنا الخياط صاح وقالها
هذي عنيزه مانبيعه بالزهيد
لو فرعن البيض نحمي جالها
-------------------------
محاولة مجاراة من الهاوي ابوسلطان الصريخ